隨著英國冠軍賽馬日完結，英國平地馬季亦暫告一段落，部分頂級英愛賽駒亦目光移到歐洲以外地區。當中英國冠軍錦標王者「監察官」（Ombudsman）將會出戰育馬者盃草地大賽。

「嘉應高昇」上星期六於珠峰錦標被終止其連勝走勢，將連勝紀錄止於 21 場。不少馬迷、網民，無論身處何地，都有質疑潘頓嘅策騎方式。潘頓直言未有睇過有關評論，亦對此不以為然。但佢就話對「嘉應高昇」珠峰錦標嘅敗仗感到心碎及難以釋懷，認為會令佢心痛一段時間。

上星期六，高多芬賽駒「動心」（Tempted）喺史卓豐胯下擊敗「嘉應高昇」捧走珠峰錦標，賽後無論香港定係海外媒體都十分關注潘頓嘅陣上取位方式，當然頭馬「動心」表現亦十分出色。